उसळणाऱ्या लाटातून
जणू आनंद व्यक्त करतो
फेसळणार पाणी
सदैव हास्य फेकीत राहतो
         सागर

सदैव आनंदी
अशीही माणसं असतात
दुःखात ही सुख शोधण्यात
ती नक्कीच तरबेज असतात
       *सागर*

🌷🌷🌷🌷🌷🌷🌷🌷

चार ओळींच
तसं बरं असतं
थोडक्यात चार ओळीत
म्हणणं मनाला स्पर्शून जातं
    सागर
🌷🌷🌷🌷🌷🌷🌷🌷

नातं तुझं अन माझं
भलतंच सुरेख होतं
रंगीबेरंगी धाग्यांनी विणलेलं
अतूट अन बेजोड होतं
 सागर

सकाळच्या प्रहरी
पावसाचं येणं
धरणीला भिजवून
तृप्त करून जाणं
  सागर

अचानक आज
पाऊस प्रगटला
रिमझिम बरसून
चिंब भिजवून गेला
        सागर

पावसाचं तसं
मन मर्जी काम असत
देणं घेणं कुणाशी नसतं
पाहिजे तेव्हा बरसण असतं
            सागर

बोचरी थंडी
गोठवणारा वारा
तुझ्या आठवणीने शहारतो
रोम रोम सारा
सागर

बोचरी थंडी
गोठवणारा वारा
तुझ्या आठवणीने शहारतो
रोम रोम सारा
सागर

ईश्वर
नेमकं काय
मानवाची कल्पना की
कल्पने पालिकडलं सत्य

ईश्वर
नेमकं काय
मानवाच्या मेंदूचं तत्वज्ञान की
तत्वज्ञाना पलीकडलं ज्ञान

      सागर

अंतरातला आत्मा
न कळत बोलून जातो
शब्द मांडताना सखे
मी न माझा राहतो
         सागर

रात्र काळोखी
खुलली चांदणी
मंद मंद हास्य तिचे
पसरे अंगणी
सागर

गावात स्वागताला
मोठी कमान आहे
आदरातिथ्य तिथेच वसलेले
मना मनांत दडला
फक्त स्वार्थ आहे
     Sagar

आम्हास न कळे
अशी ही तयांची भाषा
भाव खोल गहिरे
कधीतरी व्यक्त होतील
ही एकच आशा
        सागर

आम्हास न कळे
अशी ही तयांची भाषा
भाव खोल गहिरे
कधीतरी व्यक्त होतील
ही एकच आशा
        सागर

विश्व घरट्यापुरतं ठेऊन
तो चिमणा खुश होता
तिनका तिनका जोडून
घरटा त्याने बनवला होता
सागर

बीज टरकण फाटला
निघाला इवलासा अंकुर
जीव असे कोवळा त्याचा
जणू राजबिंडा राजकुमार
       सागर

कळलंच नाही कधी
लेखणी वास्तवदर्शी जाहली
टाकात बुडवून लिहिण्याची
आम्हास धास्ती लागून राहिली
         सागर

हल्ली शब्दांच्या पाठी
लागणे सोडले आहे
म्हणूनच की काय
रंग त्यांचे असे उडले आहे
     सागर

उडणाऱ्या पक्ष्यांच्या थव्यामधल
बनुनी पाखरू चिमुकल
उडावं आसमंत भरून
बनवूनी धरतीला थीटूुकल
   सागर

परिणाम प्रत्येक विचाराचा
तना मनावर होत असतो
चांगला की वाईट हे
नकळत आपणच ठरवतो
     सागर

गणित कुणाच बिघडलं
हे मला उमजेना
हिवाळ्यात पाऊस
अन पावसाळ्यात उन
निसर्गाचा ह्यांग ओव्हर
काही उतरेना
       सागर 

बरेच दिवस झालेले
पानगळ होऊन
झाड ही थकलं होत
वाट अंकुराची पाहून
शेवटी दया आली दवाला
आला सोबत घेऊन अंकुराला
मग कुठे झाड मोहरल
नव चैतन्याने जणू नाचत सुटलं
सागर

माणूस वेडा प्राणी
काय च काय करून ठेवलं
प्रेम बीम नवे शोध लावून
जिंदगी ला झुरू झुरू मारलं
            सागर

लिहायचं होत आज काही
हाती घेतली मग लेखणी
लिहायचं सोडून रेखाटली गेली
तसबीर त्या क्षणांची देखणी
        सागर

ओठातून पडलेले शब्द
तिला उमजलेच नाही
मनाची मेंदू वर मात
सारं च विलक्षण नाही?
  सागर

व्यक्त होता येत नाही
हे एक चांगलं आहे
मुरून मुरून लोणचं
व्वा क्या बात है
     सागर

हे असं जागणं
बरं नव्हे
चंद्राची वाट अमावास्येला पाहणं
 नक्कीच खरं नव्हे
      सागर 

तांबूस पिवळे रंग कोवळे
नभी अलगद उमटले
कोण रेखाटतो तयांना
आणतो कुठले कुंचले
          सागर

भावतात ते रंग सोनेरी
सूर्य अस्ताला जाणारे
शांत करतात उद्विग्नता
सदैव मनाला बोलणारी
सागर

वेचता वेचता कशी बरे
ओंजळ भरून गेली
नजरांच्या प्रश्नोत्तरात
प्रीत बहरून आली
       सागर

तत्वज्ञानाचे डोस
पचनी पडणे कठीण असते
म्हणूनच कधी कधी
अज्ञानीच असणे बरे असते
      सागर

उदंड जाहला पैसा
अति हायटेक त्याने माणूस हो
ह्रदय बनविले क्रुत्रिम त्याने
प्रेम कसे त्यात वसेल हो
©  सागर

अजब आहे ना विश्व
तुझ्या माझ्या सारखं
ओढ आहे कणा कणात
पण....
 एकमेकांस सदैव पारखं
सागर

रात्र झाली वेडी
सज सज सजली .
आमावस्येचे निमित्त सांगून
चंद्राने मात्र दडी मारली
  सागर©


सागर......

बिशाद या नजरेची
भिडविण्याची त्या नजरेशी
कधी झाली च नाही
       भाव या मनाचा
       त्या मना पर्यंत          
 कधी पोहोचला च नाही
                  सागर

उधाणलेला समुद्र
उच्छाद मांडणारा वारा
ढगांच्या छत्रछायेत
वरून बरसतात गारा
       सागर

काही हळूवार होत्या
काही बोचऱ्या होत्या
आठवणी तुझ्या नि माझ्या
भलत्याच सुरेल होत्या
सागर

मन माझं
भटकेल कधीतरी..
सावरत जा गं केव्हा तरी..

मन माझं
क्षुल्लक वाटेल असं सांगेल तुला काहीतरी..
तुझंच मन बोलतंय असं समजून
ऐकून घे कसंतरी..

मन माझं
वेडं आहे भुलतं जगाला सहज फसतं थोडं वेंधळं भासतंजरी..
शहाणं मानून उराशी कवटाळून प्रेम देवून सत्य दाखवून गोंजर त्याला थोडंतरी...


©सागर

बुडबुडे पाण्यावरचे
किती क्षणभंगूर
आयुष्य ही तसंच
जगावं मनभर
     सागर

मनाचा कमकुवतपणा किंवा
अज्ञान ही असाव व्यसन
दुःख असेल खोलवरचं
बरेच पैलू असणारं व्यसन
        सागर

प्रश्न सुटेना त म्हणून
व्यसनाचा सहारा घेतला जातो
ते प्रश्नांचं उत्तर नसून
आणखी असंख्य प्रश्नांचा
जन्म होतो
              सागर

विचलित झाले मन
तुझ्या येण्याने
बेचव अळणी भासे सारे
तुझ्या जाण्याने
      सागर

नक्कीच काहीतरी बिनसलं
माझ्या त्या श्वासांच
पाहता तुझं नयनांनी
गणित ते फसलं या ठोकयांच
               सागर

काय हवंय मला
आज पर्यंत उमगलं नाही
कधी कधी दाटणाऱ्या निराशेच
कदाचित कारण हे तर नाही
    सागर

भला थोरला तो वृक्ष
उन्मळून पडलेला
रात्रीच्या वादळ वाऱ्यात
अखेरचा श्वास त्याने घेतलेला

का असे घडले असावे
हिमालयापरी अढळ
निश्चल असा ज्याचे
समूळ उच्चाटन व्हावे

आजवर कित्येक त्याने
वादळे त्याने पाहिलेली
काल रात्रीच का बरे त्याने
स्वतःहून आहुती दिलेली

असेल का हा
महिमा काळाचा
एकदा फिरला की
अंत त्याचानिश्चित व्हायचा
   सागर

शृंखला विचारांची

पहिल्या विचाराला
दुसरा चिकटतो
तिसरा दुसऱ्याला चिकटून
हळू हळू शृंखला  बनवतो

विचारांच्या शृंखलेला
दोनच मार्ग असतात
सकारात्मक व नकारात्मक
परस्पर विरोधी असतात

सकारात्मकतेतून
आनंद प्राप्ती होते
नकारात्मकता मात्र
नरकाची वाट दाखवते

सकारात्मक व्हायचे तर
जागरूक व्हायला हवे
नकारात्मक तेवढे विचार
शृंखलेतून बाहेर काढायला हवे
            सागर

नात्याला गेलेला तडा
दिसताना सूक्ष्म दिसतो
वज्रासारख्या खडकाला
लागलेला सुरुंग असतो
         सागर

विचार पुरुषी
पहा ना कसे असतात
म्हणे स्त्रियांवर
अधिराज्य गाजवतात

भारतात संस्कृती
आपण महान म्हणतो
चाकोर्यांच्या वाटेवरून
आपण इथे चालतो

पश्चिमात्यांच्या साहित्यात
चाकोऱ्या भिन्न भासतात
स्त्रिला पुरुष तिथे
सम समान वागवतात

आमच्या इथे परंपरेने
Dominancy बिंबवली
न कळत स्त्रीने इथे
नरमाई अंगिकारली

ढाचा कुटुंबसंस्थेचा
बदलणे कठीण आहे
समानता राबवायची तर
एल्गार स्त्रीच्याच हाती आहे

         सागर

चेहऱ्यावरी आलबेल
जरी सारे भासे
कासावीस जीवा तू
का भरसी उसासे
         सागर

पाऊल खुणा
इवल्या इवल्या
जाळ्या नक्षीदार
नकळत कशा त्या विणल्या
         सागर

टोन तुझा नेहमीचा
लक्षात माझ्या आला होता
भीतीने गळाटा
मनाच्या आमचा झाला होता
सागर

अमेरिकन युरोपिअन लोकांबद्दल कुतूहल मला नेहमीचच त्यांचं culture, फमिली ,society आपल्याहून भिन्न............ माणूस म्हणून जगायला भरपूर वाव. उलट पक्षी आपल्याकडे सारी बंधने .यांना बंधने नसल्याने आयुष्यात मजल खूप मारता येते कि आपल्यासारख्या थोड्या बहुत शिकलेल्यांना त्यांचा हेवा वाटावा .यांचे लेखकही तसेच, यांच्या कादंबर्या वाचल्या  कि आपल्याला जाणवते कि हे हि विषय लिखाणासाठी असू शकतात . असो ......

          एक युरोपिअन लेखिकेच ,  family थेरापिस्त च  एक पुस्तक हाती आले तेव्हा त्यांचे प्रोब्लेम्स समजले. तिथली .विभक्त कुटुंब पद्धती, तलाकच जास्त असलेले प्रमाण आणि मानसिक रोगांच भयानक प्रमाण मन सुन्न करणार आहे

                             भारताला मागासलेलं जरी आपण समजत असलो तरी इथल्या समाज व्यवस्थेमुळ कुटुंबव्यवस्थेमुळ  थोडस मेरा भारत महान म्हणावस नक्कीच वाटत म्हणजे मानसिक स्वास्थ्य थोडस जाणवत पण आपली शहरेही हळू हळू westernisation कडे झुकू लागली आहेत तेव्हा आपणही सावध व्हायला हव अस हळू हळू वाटायला लागलंय 

                                                       @@सागर @@

हरवलेला मी
कुणाला शोधतो
दुनियेचे चक्रव्यूह
दुरूनच न्याहाळतो
        सागर

कोकीळ गातो
कुणासाठी........  ?
मोर नाचतो
ज्याच्यासाठी .
  सागर

मनगटावरची घड्याळे
पडद्याआड होऊ लागली
अंकंडिशनल प्रेमाची अवस्था
थोडीफार तशीच झाली
         सागर

समय प्रभातीचा
निरव शांततेचा
प्रसन्न वातावरणात
इशास आळवण्याचा
सागर

चारोळी म्हटलं
फेर शब्दांचा
तालात नाचती सारे
मेळ बसवून सुरांचा
सागर

झोळी भगवंता
तुझी अनाकलनीय
प्रेम वाटुनिया सर्वाना
कटोकट ती अतुलनीय
सागर

रुसून रुसून
गडे फुगू नको
फुगलीस जरी
निदान फुटू नकोस
 सागर

जात शब्दांची
व्याकरणात शिकलो होतो
माणसातील जातीने
माणुसकी विसरलो होतो
सागर

हसलेले ते सारे
पुरते फसले होते
एक क्षणात पिवळे
दात त्यांचे दिसले होते
सागर

हेवा मी
शब्दाचा करतो
नखरेल तो
हाती कधीच येत नसतो
सागर

भेट ती क्षणांची
आयुष्यास पुरून उरली
आठवण आजही तिची
गहिवर मज आनी
सागर

खोचक नसलं तरी
रोचक होतं
त्या जीर्ण फुलाचं दिसणं
वेड लावणारं नक्कीच होतं
     सागर

त्या जीर्ण पर्णाची तमा
खचितच वृक्षास नव्हती
नव अंकुराने हर्षोल्हासित
जगाची ती रितच होती
           सागर

सावलीला म्हटलं थांब
तुला करकचून बांधतो
माणसा किती रे खुळा
स्वतः च स्वतःला जखडतो
           सागर

क्षितिजावरती चांदणे
शिंतोडे शुभ्र रंगाचे
कुठे मृग कुठे सप्तर्षी
चित्रकारा कसब कमालीचे
       सागर

बेरकी रात्र ही
पहा कशी खिजवते
चंद्र तिच्या सोबतीला
वाकुल्या मज दावते
        सागर

तू कवेत घेतेस तेव्हा 

मी न माझा राहतो 

माग हरवलेल्या पाडसाला 

माग मृगाचा घावतो 

         सागर 

आनंद शिकण्यातला ...............
  आनंद हा शब्द सगळ्यांनाच आवडतो
   मग तो भेटीतला , काही सापडन्यातला , आणखीही कशा कशातला
    पण
             काही शिकण्यातला आनंद काही गोडच म्हणावा लागेल.
    खरच
        कुणी तरी म्हटलंय मानसान सदैव शिकाव शिकतच राहावं
                                           
                                                सागर
         
  

आलेल्या विचारांना
वाहतं ठेवायचं असतं
साचवून साचवून त्यांचं
डबकं बनवायचं नसतं
           सागर

कट्यार खोलवर
संग कशी घुसवलीस
घात उरी बाळगताना
प्रीत कशी विसरलीस
  सागर   

प्रेम करण्यासाठी
वेड बनाव लागतं
जाणवून देण्यासाठी प्रसंगी
झुर झुर झुराव लागतं
सागर 

असू देत ते वेडे मन
माझेच मजपाशी
दिसते वेडे तुज जरी
तोड नसे त्याची कुणापाशी
        सागर  

कस  ना हे मन

स्वतः ला च  कळत नाही

पोक्त होऊन हि

पोरकट पणा सोडत नाही

 सागर