खोचक नसलं तरी
रोचक होतं
त्या जीर्ण फुलाचं दिसणं
वेड लावणारं नक्कीच होतं
सागर
त्या जीर्ण पर्णाची तमा
खचितच वृक्षास नव्हती
नव अंकुराने हर्षोल्हासित
जगाची ती रितच होती
सागर
Friday 26 January 2018
सावलीला म्हटलं थांब
तुला करकचून बांधतो
माणसा किती रे खुळा
स्वतः च स्वतःला जखडतो
सागर
Wednesday 24 January 2018
क्षितिजावरती चांदणे
शिंतोडे शुभ्र रंगाचे
कुठे मृग कुठे सप्तर्षी
चित्रकारा कसब कमालीचे
सागर
बेरकी रात्र ही
पहा कशी खिजवते
चंद्र तिच्या सोबतीला
वाकुल्या मज दावते
सागर
Tuesday 23 January 2018
तू कवेत घेतेस तेव्हा
मी न माझा राहतो
माग हरवलेल्या पाडसाला
माग मृगाचा घावतो
सागर
Sunday 21 January 2018
आनंद शिकण्यातला ...............
आनंद हा शब्द सगळ्यांनाच आवडतो
मग तो भेटीतला , काही सापडन्यातला , आणखीही कशा कशातला
पण
काही शिकण्यातला आनंद काही गोडच म्हणावा लागेल.
खरच
कुणी तरी म्हटलंय मानसान सदैव शिकाव शिकतच राहावं